अल्फा केयरमा मेगा हेल्थ क्याम्प आयोजना, विशेष छुटको पनि व्यवस्था

अल्फा केयर एण्ड डाइग्नोस्टिक सेन्टरमा मेगा हेल्थ क्याम्प आयोजना भएको छ ।

रोटरी क्लब अफ बानेश्वर, बुद्धनगर टोल सुधार समिती, थर्ड आई युथ क्लब, विई केयरको सहकार्यमा डेन्टल र दृष्टि आई केयरसँगको सहकार्यमा अल्फा केयरले शनिबार बिहान आफ्नै प्रांगणमा मेगा हेल्थ क्याम्प आयोजना गरेको हो ।
बाथ रोग, जनरल फिजिसियनलगायत विभिन्न डिपार्टमेन्टमा डाक्टरहरु राखेर निःशुल्क स्वास्थ्य शिविर र रक्तदान कार्यक्रमको आयोजना गरेको अल्फा केयरकी सिनियर सेल्स एण्ड मार्केटिङ एजुकेटिभ अस्मिता पराजुलीले जानकारी दिइन् । यस एकदिने शिविरमा रोग परीक्षण गर्दा रोगको प्रकृति हेरेर छिमेकी कार्डको सहयोगमा ५० प्रतिशत छुटसमेत पाइनेछ ।
स्थापनाकालदेखि नै अल्फा केयरले हरेक वर्ष मेगा हेल्थ क्याम्प आयोजना गर्दै आएको छ । नेपालमा कोरोना महामारी बढ्दै गएपछि पीसीआर परीक्षणका लागि ल्याब सेवाको आवश्यकता महसुस गरी स्थापना भएको यस डाइग्नोस्टिक सेन्टरले हाल ओपीडी, क्लिनिकल, ल्याबरोटरीलगायतका सेवा दिँदै आफ्नो सञ्जाल विस्तार गरिरहेको छ । अत्याधुनिक उपकरण र विज्ञ स्वास्थ्यकर्मीको आबद्धता रहेको यो ल्याब आइएसओ सर्टिफाइड ए ग्रेडको ल्याव हो ।